Lokakvöldvakan; sýningarnar slógu í gegn

Lokakvöldvakan heppnaðist afar vel og þótti einstaklega skemmtileg og fjörug.

Leikritið Eltingarleikurinn var sýnt og fjallað það um ferðamenn í flugvél sem klessir á Móður Jörð og þar var allt fullt af dýrum og draugum. Ferðamennirnir flúðu náttúrlega, hlupu eins og fætur toguðu eltir af draugum, brjáluðum njósnarahamstri og eðlu. Mjög spennandi og glæsilegt leikrit frá grímugerðar- og leiklistarhópunum.

Íþróttahópurinn gerði æðislegan stiga og sýndi börnunum og danshópurinn var líka stórkostlegur. Stuttmyndin sem kvikmyndahópurinn gerði heitir Draugaskólinn var frekar mikið spennandi mynd sem vakti mikla lukku.

Að vanda sýndi starfsfólkið leikrit. Enginn nema sumarbúðastjórinn vissi hvaða leikrit átti að leika en það var Öskubuska. Starfsmenn drógu miða úr hatti með hlutverki sínu ... Arnar lék stjúpuna og var með gula hárkollu og Árni álfadísina og höfðu krakkarnir mjög gaman af því að sjá þá í konulíki. Alltaf gaman að sjá starfsfólkið sprella líka.

Fardagurinn gekk vel fyrir sig, börnin voru kvödd með virktum, alveg frábær hópur, og þótt þessi vika hafi bæði verið lærdómsrík og skemmtileg þá var greinilegt að tilhlökkun ríkti  með að komast heim og segja frá ævintýrunum.

Hópur 3, takk fyrir komuna og einstaklega ánægjuleg kynni!

Fleiri myndir frá 6. degi komnar inn á www.sumarbudir.is.

Athugasemdir

[Soffía mamma Einars Sturlu (IP-tala skráð) 1.7.2008 kl. 21:05]

Hæhæ, vildi bara segja að það er frábært að geta fylgst með daglega á bloggsíðunni og myndasíðunni.  Sonurinn kom alsæll heim í dag.  Bestu þakkir fyrir hann