Lokadagurinn - afmælisbarn - ruslatínsla - bleikt skyr - hárgreiðslukeppni

Þegar börnin vöknuðu í morgun vissu þau að þetta væri síðasti heili dagurinn. Heimferð á morgun kl. 11 og komið í Perluna rétt fyrir kl. 12.30. Mikil tilhlökkun ríkir, enda alltaf svo yndislegt að koma heim þótt gaman hafi verið í sumarbúðunum.

Í hádeginu var jarðarberjaskyr/hvítt skyr og smurt brauð með eggjum. Það rann ljúflega og vel niður eins og allt annað.

 ---------    ----------    ----------     --------     --------      ------

Stundum koma nokkur afmælisbörn, hafa kannski fengið dvölina í afmælisgjöf en núna var bara einn strákur sem átti afmæli, varð 10 ára í dag. Hann fékk köku og gjafir og var alsæll. Allir sungu afmælissönginn fyrir hann. Þau verða alla vega tvö næsta tímabil.

Æfingar fyrir lokakvöldvökuna hafa verið á fullu og inn á milli var pakkað niður, öllu nema fínu fötunum. Hátíðarkvöldverðurinn stendur nú yfir. Kveikt er á kertum og allir eru í sínu fínasta pússi. Hamborgaraveisla a la Ævintýraland.

Í gær var haldin glæsileg hárgreiðslukeppni. Tveggja manna hópar kepptu, bæði strákar og stelpur, hér er mynd af sigurvegurunum tveimur. Allir fengu viðurkenningarskjöl og fyrstu þrjú sætin og frumlegasta hárgreiðslan fengu smá verðlaun. Sjá má fleiri myndir á www.sumarbudir.is.

 -----    -----    ------    ------    ------     -----     ------     ------

Starfsmenn léku leikrit í gær fyrir börnin og mátti heyra nál detta á meðan það var sýnt, stundum var eitthvað fyndið í leikritinu og þá var nú hlegið. Tekið var á eineltismálum og hvernig hægt er að rjúfa vítahring. Einnig var farið inn á það hvern best er að tala við/leita til ef eitthvað liggur þungt á huga barnsins. Verst er að þegja. Góðu-ráða-vélin með þau Ping og Pong innbyrðis vakti mikla lukku, enda Ping og Pong rosalega fyndin og líka afar ráðagóð.  

Eftir kaffi í dag var ruslatínslutími. Mjög margir krakkar buðu sig fram, fengu plastpoka og fóru svo hringinn í kringum húsið og tíndu rusl, aðallega gömul laufblöð og bréfarusl. Eftir það fengu þau að velja sér eitthvað flott úr ruslatínsluverðlaunakassanum. Þau voru ótrúlega fljót að gera allt snyrtilegt í kringum sumarbúðirnar.

Athugasemdir

[hulda mamma simonar (IP-tala skráð) 15.6.2008 kl. 22:02]

vá ég get ekki beðið eftir að gæinn minn komi heim vá hvað það verður haldin sögu stund hjá okkur þegar hann kemur og mér hlakkar sko til að fá að heyra allt húllum hæið hjá ykkur bæbæ sjáumst á morgun

[Ellen Hildudóttir (IP-tala skráð) 15.6.2008 kl. 23:24]

Æjj það er svo gaman að fylgjast með :) Vildi að ég gæti verið þarna með ykkur!

Knús til allra sem ég þekki, megaknús á mömmu og Davíð

[eydisbirna (IP-tala skráð) 19.6.2008 kl. 17:47]

hæ af hverju er ekki vindáshlið hér inná. það finst mér skrítið.

[Esther Erludóttir (IP-tala skráð) 19.6.2008 kl. 20:45]

Hæ hæ

Það er gaman að sjá allar myndininar af krökunum þau eru Yndisleg.

Takið eins mikið að myndum og þið getiðsvo ég fá að sækja þær

Með kveðju Esther (mamma Erlu Svanlaug og Rakel söndru)

[Sumarbúðirnar Ævintýraland, 20.6.2008 kl. 12:13]

Eydís Birna. Vindáshlíð eru KFUK-sumarbúðir og eru eflaust með heimasíðu þar sem þú getur fundið myndir af starfseminni.