Bara stutt ...

Allt gengur frábærlega vel. Nú halda umsjónarmennirnir hádegisfundi með hópnum sínum hver í sínu horninu. Síðan verða námskeiðin frá kl. 2-4. Einnig er verið að undirbúa á milljón karaókíkeppnina sem verður í kvöld en aðalþjálfarinn, hún Ellý í X-Factor, heldur utan um hana. Krakkarnir elska Ellýju, enda er hún frábær og skemmtileg.

Þrátt fyrir gífurlega notkun á sólvörn í gær hafa nokkrir krakkar þurft að fá Galdrakremið í dag og reyndar í gærkvöldi líka. Það er verulega gott græðikrem frá Móu (notað á Landspítalanum), og hefur gengið undir Galdrakrems-nafninu frá upphafi. Hádegisverðurinn var pasta með tómatsósu og nýbakaðir pítsusnúðar. Vel, ég meina MIKIÐ, borðað eins og venjulega. Davíð setur inn nýjar myndir í dag á www.sumarbudir.is og vonandi tekur það ekki jafnlangan tíma og síðast að hlaða þeim inn. Þangað til seinna í dag ... sólskins- og blíðukveðjur úr sveitinni.

Athugasemdir

[Sumarbúðirnar Ævintýraland, 14.6.2008 kl. 19:37]

Nú er að hefjast söngvara- og hæfileikakeppni Ævintýralands. Meira um það seinna (seint í kvöld). Um tíu frábærir hæfileikakrakkar ætla að taka þátt.

[hulda mamma símons (IP-tala skráð) 14.6.2008 kl. 19:52]

vá það er greinlega svaka legt fjör og ég verð eignlega að viður kenna að eg örunda  ykkur bara.... bið að heilsa Símoni:)

[Birna amma (IP-tala skráð) 14.6.2008 kl. 20:17]

Hæ, það er greinilega mjög gaman hjá ykkur og frábært að geta fylgst með fjörinu. Amma og afi Símons Frey biðja að heilsa honum (og Gunnari vini hans) og okkur hlakka til að fá hann í sveitina á Tálknafjörð.

Kveðja Birna amma.

[hulda sim (IP-tala skráð) 15.6.2008 kl. 19:36]

æi litli kúturinn minn kominn með lit í andlitið sé að það er hugsað vel um að bera undra kreminu á hann:):) bið að heilsa honum kv hulda mamma Símons  og sæt mynd af honum

[Sumarbúðirnar Ævintýraland, 15.6.2008 kl. 19:57]

Símon var voða ánægður með að fá kremið, allur sviði hætti og hann verður kolbrúnn og sætur þegar hann kemur heim. Frábær strákur og svooooo góður!

[hulda mamma símons (IP-tala skráð) 15.6.2008 kl. 22:06]

já hann er bara engill takk fyrir það og honum finnst ekki leiðinlegt að láta dekra við sig .. hvað þá að láta bera krem í andlitið. já ég held að ég verði að setja á mig brúnkukrem áður en hann kemur svo ég verði ekki eins og draugur við hliðin á honum..